Vilhelm Bjerknes

Vilhelm Bjerknes (14 de març de 1862, Kristiania - 9 d'abriu de 1951, Òslo) es un matematician, fisician e meteorològ norvegian. Fondator de l'Institut de Geofisica de Bergen, i reüniguèt una còla de cercaires que desvolopèt lo modèl frontau en meteorologia. Es ansin a l'origina dei metòdes modèrnes de prevision meteorologica en zòna temperada e es considerat coma un dei premiers meteorològs modèrnes. Foguèt tanben professor de l'Universitat d'Òslo.

Vilhelm Bjerknes dins leis ans 1920.

Dempuei 2004, la medalha Vilhelm-Bjerknes es atribuïda en son onor per l'Union Europèa dei Geosciéncias per la recèrca originala en sciéncias de l'atmosfèra. De cratèrs situats a la superficia de la Luna e de Mart pòrtan tanben son nom. De son vivent, recebèt la medalha Buys-Ballot en 1933 e, la meteissa annada, foguèt elegit sòci estrangier de la Royal Society.

Liames intèrnes

• Frònt (meteorologia).
• Meteorologia.

Bibliografia

• (en) M.R. Friedman, Appropriating the weather: Vilhelm Bjerknes and the construction of a modern meteorology, Cornell University Press, 1989.
• (en) Mogens Pihl, « Bjerknes, Vilhelm Frimann Koren », Dictionary of Scientific Biography, vol. 2, Charles Scribner's Sons, 1970-1980, pp. 167-169.