Vescomtat de Dacs
Lo vescomtat de Dacs qu'estó ua jurisdiccion feudau de Gasconha, lo sièti deu quau èra la vila de Dacs.
Las tèrras d'Auloron, Tursan, Dacs, Òrta e Gavardan dab títol vescomtau (vescomte de Gasconha) qu'estón eretadas en 977 per Aner, lo hilh deu comte de Gasconha Sanç IV, mes totun que sembla que ja las governava abans. Aner que's morí de cap a 978 e que dividí los sons maines enter los sons tres hilhs : Sanç, qui arrecebó lo vescomtat de Tursan; Donat, qui arrecebó lo vescomtat de Gavardan; e Lop, qui arrecebó lo vescomtat d'Auloron. Lop que's morí de cap a 985 e qu'espartí los sons maines enter dus hilhs : Aner, qui arrecebó Auloron; e Arnaut, qui arrecebó Dacs e Òrta. Lo son hilh Garcia Arnaut que contunhè hens los dus vescomtats e que's morí abans de 1061, qui comença un periòde mau coneishut ; que pareish lo son hilh Arnaut II que'u succedí e lo son aute hilh Lop Garcia qu'estó au començament vescomte d'Òrta e dilhèu que succedí au son hrair. De cap a 1065 lo vescomtat tornat unificar qu'estó dividit enter los sons dus hilhs : Raimon I, qui arrecebó lo vescomtat de Dacs, e Garcia, qui arrecebó lo vescomtat d'Òrta. Raimon I qu'avó com successor lo son hilh Arnaut III, e aqueste la soa hilha Girauda I (qui avèva dilhèu dus ans). La vescomtessa que's maridè de cap a 1100 dab Pèir Arnaut (coneishut com Arnaut Dat o Dat Arnaut), senhor d'Ostabarret, qui apartienèva a ua linha collaterau de la familha. Girauda que's morí en 1140 e lo son hilh Raimon II que'u succedí. Aqueste qu'estó seguit peu son hilh Pèir II. Pèir que deishè sonque ua hilha, Navarrina, qui avèva dilhèu sèt ans ; passats los vint que's maridè dab lo vescomte de Tartàs Arnaut Raimon III e lo vescomtat de Dacs que passè atau au vescomtat de Tartàs.
La branca d'Ostabarret que comencè dab Garcia (o Garcia Arnaut) vescomte de Dacs qui deishè dus hilhs : Lop e Arnaut. Que pareish aqueste que governè Dacs mes a la soa mòrt de cap a 1061 o 1062 Lop qu'arrecebó l'eretatge. Arnaut qu'estó coneishut com Arnaut Garcia de Micse e que's morí de cap a 1072, deishant mantun hilh ; l'un d'eths qu'estó Dat Arnaut de Micse, neishut abans de 1060, senhor d'Ostabarret, qui de cap a 1100 e's maridè dab la vescomtessa, l'eretèra Girauda.
Lista deus vescomtes modificar
- Arnaut I Lop 985-1029
- Garcia I Arnaut 1029-vers 1050
- Arnaut II Garcia vèrs 1050-1062
- Lop I Garcia vèrs 1062-1065
- Raimon I Lop vèrs 1065-1089
- Arnaut III (hilh) 1089-1090
- Girauda (hilha) 1090-1140
- Pèir Arnaut (espós) 1100-?
- Raimon II (hilh) 1140-1167
- Pèir II (hilh) 1167-1170
- Navarrina (hilha) 1170-vèrs 1185
- Arnaut Raimon (III de Tartàs) vèrs 1185 (espós)
Branca d'Ostabarret o Micse modificar
- Arnaut Garcia vèrs 1061-1062
- Pèir Arnaut (Dat Arnaut o Arnaut Dat) 1062-vèrs 1120
