Verdoble

Verdoble (El Verdoble en catalan, le Verdouble en francés) es una aiga occitana e catalana que nais a Cubièra (Aude) e que s'escampa dins Aglin a Estagell (Pirenèus Orientals), aprèp un cors, plan sinuós, de 46,8 km, entièrament en region d'Occitània, ancianament de Lengadòc-Rosselhon.

Geografia

Comunas traversadas

• Cubièra, Solatge, Rofiac de las Corbièras, Dulhac jos Pèirapertusa, Cucunhan, Padèrn, Pasiòls (Aude);
• Talteüll e Estagell (Pirenèus Orientals).

Dins la comuna de Cubièra, son nom es Ruisseau des Tuileries en francés sus la mapa IGN .

Toponimia

Las fòrmas ancianas son : Vernodubrum (latinizacion) al sègle I, Riparia Vernidoble en 1258, Rivière de Verdou, ...rec de l'eau de Verdou entre 1230-1268 e 1500, In flumine Verniduplici en 1298 .
Verdoble es un nom d'origina gallica, uerno-dubros, -ā, e son sens es « riu dels vèrnhes », de uernā(s) , uerniā, uernon, « la vernheda, la verneda, lo vernet », e de dubrā, « las aigas » . L'atraccion de doble a jogat tanben.

Lòcs

• Lo Castèl de Pèirapertusa tresplomba la val de Verdoble al sud (sus la crèsta que separa Rofiac de las Corbièras, dins la val de Verdoble, de Dulhac jos Pèirapertusa;
• La Cauna de l'Aragó tresplomba la val de Verdoble (comuna de Talteüll);

• 
  Lo castèl de Pèirapertusa vist dempuèi lo nòrd
• 
  Lo castèl de Padèrn tresplomba lo vilatge, situat dins la val de Verdoble
• 
  Pasiòls, als ajustants de Verdoble e d'un riu
• 
  La frau de Verdoble prèp de la cauna de l'Aragó
• 
  Frau e molin dels Golairons

Nòtas e referéncias

Per accedir als articles alemand, francés e rus : https://de.wikipedia.org/wiki/Verdouble