Vercingetorix

Vercingetorix (vèrs 80 - 46 avC) èra lo fiu dau cap cèlta Celtillos de la tribú deis Arverns. Capitèt de federar la màger part dei pòbles e dei caps de Gàllia per organizar una revòuta còntra lei fòrças dau generau roman Juli Cesar a la fin de la Guèrra dei Gàllias. Vencut au sètge d'Alèsia en 52 avC, deguèt capitular e venguèt presonier dei Romans. Foguèt executat sièis annadas a l'eissida dau trionf de Cesar.

Estatua de Vercingetorix (Clarmont d'Auvèrnhe).

Oblidat fins a la mitat dau sègle XIX, venguèt una figura de la civilizacion cèlta e dau nacionalisme francés dins l'enquadre dau conflicte francoalemand après la desfacha francesa de 1871.