Vampire
Un vampire (var. chucasang, tiragraissa. e vampir) es una creatura legendària presenta dins mai d'una region e cultura. Es un mòrt-vivent que se norrís de sang dei vivents, generalament deis umans, per tirar sa fòrça vitala. Aqueu mite sembla fòrça vièlh car n'existís de mencions dins lei societats anticas de Mesopotamia, d'Asia e de Grècia. Per la seguida, demorèt un crèire important au sen de divèrsei folclòres. Au sègle XIX, l'aparicion de la literatura de vampire, especialament lo Dracula de Bram Stoker en 1897, renforcèt mai sa popularitat qu'es totjorn fòrça importanta au començament dau sègle XXI.
