Uguet de Mataplana
Uguet de Mataplana (c.1173-28 de novembre 1213), marqués de Mataplana, foguèt un nòble catalan (Ripolhés) e trobador, nebot de Ponç de Mataplana, a qui Guilhèm de Berguedan ataquèt en divèrses sirventeses. A partir de 1185 apareis força documentacion sus la siá persona, e en 1197 cònsta qu'èra maridat amb una dòna nomenada Na Sança.
| Biografia | |
|---|---|
| Naissença | valor desconeguda  |
| Mòrt | 28 de novembre de 1213 (Gregorian) |
| Activitat | |
| Profession | Trobador, poèta e compositor |
| Carrièra militara | |
| Leialtat | Corona d'Aragon |
| Conflicte | Crosada dels albigeses |
|
| |
Senhor de Mataplana, près de Gombrèn, apareis en divèrses documents als costats dels reis Anfós lo Cast e Pèire lo Catolic, amb l'armada que ne participèt a la Batalha de Las Navas de Tolosa (1212). La Cronica de Jacme lo Conquistaire lo compte demest los cavalièrs que lutèron amb son paire a la batalha de Murèth (1213) e l'abandonèron, e mai se vertadièrament lo trobador moriguèt pauc après a causa de las feridas recebudas. Segon Ramon Vidal de Besalú, que li donèt possiblament leiçons d'occitan e de l'art de trobar, Uguet de Mataplana foguèt un personatge cultivat e rafinat, protector de joglars e de trobadors. Se conservan unicament tres de sas composicions : un sirventés e doas tençons.
Nòtas e referéncias
modificar- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Huguet de Mataplana ».
Bibliografia
modificar- Riquer, Martín de. Los trovadores: historia literaria y textos. 3 vol. Barcelona: Planeta, 1975.
Wikidata: Q1215359
