Trompeta de cavaleria
La trompeta de cavaleria qu'ei un aerofòn de la familha deus coires. Qu'ei ua mena de trompeta naturau utilizada dens l'armada.
La longor deu son tube de coire e lo biais de jogar que son pròches de la trompeta barròca dab la diferéncia que lo tube de la trompeta barròca non vira pas sonque un còp sus eth mentre qui lo tube de la trompeta de cavaleria e vira duas vegadas.
En mei d'aquò, aqueste tube de la trompeta de cavaleria qu'ei mei long que lo tube deu claron çò la balha mei de possibilitats armonicas puish que lo son son fondamentau mei grave e donc que la soa seria de sons armonics que s'eriqueish dab mei de nòtas a la medisha tessitura ; dit d'un aute biais, la trompeta de cavaleria que pòt prodúser mei de nòtas que non pas lo claron e atau jogar melodias de las mei complèxas.
La trompeta de cavaleria qu'ei generaument acordada en Mib mes que's pòt cambiar aquesta nòta fondamentau en eslissant la soa paleta.
Lo repertòri de la trompeta de cavaleria qu'ei lo de la bateria fafara mes, potenciaument, tanben lo repertòri de la trompeta barròca.
En França la trompeta de cavaleria enrollada dus còps sus era medisha e atau, braca, qu'ei dominanta. Dens los país germanics e eslau sovent qu'ei la trompeta de fanfarra la que i domina, enrollada un còp e mei longa per ua logor de caner equivalenta.
