Tor Monumentau
La Tor Monumentau (en espanhòl: Torre Monumental) ancianament Tor deus Anglés (en espanhòl: Torre de los Angleses) qu'ei un monument de Buenos Aires situat dens lo quartièr de Retiro bastit per la comunautat anglesa d'aquesta ciutat en commemoracion deus cent ans de l'independéncia d'Argentina (qui ho celebrada lo 25 de mai de 1910).
.jpg)
Tots los materiaus e la man d'òbra que hon importats d'Anglatèrra. La soa inauguracion que ho retardada per la Primièra Guèrra Mondiala de 1914 a 1918 e per la necessitat de vueitar la plaça de las installacions d'ua companhia de gas qui non se n'anè pas qu'en 1912.
Arron de la Guèrra de las Malvinas en 1982 la tor que ho tornada batejar Tor Monumentau e la plaça Británica on e's quilhava que ho oficiaument batejada plaça Fuerzas Aéreas Argentinas (deu nom de l'armada de l'aire argentina qui's destaqué durant lo conflicte bellicós).
Durant la legislatura de Fernado de la Rúa com cap deu govèrn de la ciutat de Buenos Aires, la tor que ho restaurada e lo son ascensor modernizat entà facilitar la vesita deus toristas.
