Tony Gatlif
Boualem Dahmani, dich Tony Gatlif, es un realizator, scenarista, compositor, actor e productor francés, nascut lo 10 de setembre de 1948 a Argièr.
|
Tony Gatlif
Michel (Boualem) Dahmani | |
|---|---|
 | |
| Naissença | 10 de setembre de 1948 |
| Escais | Tony Lo Gypsy |
| Nacionalitat | França |
| Profession(s) | {{{activitats}}} |
| Filmes notables | Tom Medina |
| Sit web | https://www.tonygatlif.com/ |
Biografia
modificarTony Gatlif es Françes d'origina gitana e tanben cabil. Après una enfança a Argièr, Gatlif arriba en França en 1960 pendent la guèrra d'Argeria. S'enseguís un trajècte dificil e esclatat, qu'anarà de l'ostal de redreçament a un rencontre amb l'actor Michel Simon en 1966, en passant per de corses d'art dramatic. Jòga alara dins de pèças de teatre puèi realiza son primièr film en 1975, La tête en ruine.
A partir de 1981, abòrda lo tèma qu'aprigondirà de film en film : los ròms del mond entièr, dont ven a plan dels esgards lo cantoral, sedusit per una « comunautat en movement » e per un « univèrs sonòr e musical » d'una plan granda riquesa e d'una diversitat granda. Pasmens, manifèstament estrangièr a l'idèa d'un restacament exclusiu a una comunautat, Gatlif se definís el meteis coma un « mediterranèu ».
En 1983, participa a la creacion de l'associacion Initiatives tsiganes en companhiá de Sandra Jayat e Gérard Gartner. En 1985, l'associacion organiza la Primièra mondiala d'art tsigan.
En 1999, recep lo prèmi Romanès per l'ensemble de sa carrièra.
En 2014, lo Festenal internacional de cinèma Entrevistas a Belfòrt li consacra una retrospectiva.
Compositor
modificarPer Gatlif, la musica es « lo ciment que restaca los umans ». Considèra la musica coma « aquela libertat que [el] balha l'alen de far [sos] films, l'alen d'anar al rencontre dels autres dins lo mond ». I a pas cap de dobte qu'aquesta es un dels elements essencials, creator meteis de situacion dins sos films. Compausa el meteis, de còps en collaboracion amb d'autres artistas, las musicas de Latcho Drom, Gadjo Dilo, Vengo, Swing, Transylvania .
Filmografia
modificarTony Gatlif es scenarista dels films qu'a realizats.
- 1973 : Max l'indien (cortmetratge)
- 1975 : La Tête en ruine
- 1978 : La Terre au ventre
- 1981 : Canta gitano (cortmetratge)
- 1982 : Corre, gitano realizat amb Nicolás Astiarraga
- 1983 : Les Princes
- 1985 : Rue du départ
- 1989 : Pleure pas my love
- 1990 : Gaspard et Robinson
- 1993 : Latcho Drom
- 1995 : Mondo
- 1997 : Gadjo dilo
- 1998 : Je suis né d'une cigogne
- 2000 : Vengo
- 2001 : Swing
- 2004 : Paris by Night, cortmetratge del film Visions of Europe
- 2004 : Exils
- 2006 : Transylvania
- 2010 : Liberté
- 2012 : Indignados
- 2014 : Geronimo
- 2017 : Djam
- 2021 : Tom Medina