Tolosa (cançon)

Tolosa, publicada inicialament amb lo títol Ò Tolosa, es una celèbra cançon de Claudi Nogaròu, pareguda en abril de 1967 sus un 45 torns editat pel label Philips. Lo cantaire ne faguèt un important e personal omenatge a sa vila nadala, Tolosa.

Istoric de la cançon

Claudi Nogaròu, qu'a passat una enfança e una adolescéncia dificila a Tolosa, decidiguèt d'escriure aquesta cançon a un moment de sa vida «passablament complicat». La primièra version de la cançon, escricha a son domicili de París, es donca relativament dura e es en discutissent ambe sa segonda esposa , Odette, que decidiguèt de ne far un «cant d'amor e pas un cant de rancuna» per citar los mots de sa femna. Lo tèxt, que mescla a l'encòp d'elements del patrimòni material e immaterial de la vila, repren dins son refranh las paraulas de La Tolosenca escricha en occitan per Lucian Mengaud en 1845 :

«Ò mon país !
Ò mon país !
Ò Tolosa,
Tolosa !»

• 
  L'« aiga verda del Canal del Miègjorn ».
• 
  E la « teula roja dels Minimes ».
• 
  La « violéncia de las violetas ».
• 
  La « glèisa Sant Sarnin illumina lo ser »

• 
  lo « pavat de la ciutat gascona »
• 
  « aicí lo Capitòli »
• 
  « A Blanhac los avions… »
• 
  e lo « pecic de teulas »