Tiphaigne de la Roche
Charles-François Tiphaigne de La Roche (19 de febrier de 1722, Montebourg - 11 d'aost de 1774, Montebourg) es un escrivan francés.
Recebèt una educacion scientifica fòrça avançada e venguèt metge a l'Universitat de Caen en 1744. Foguèt l'autor de romans utopistas e còntra-utopistas escrichs d'un biais anonim. Sei racòntes mesclavan de tematicas eissits dei dos corrents de pensada principaus dau sègle XVIII qu'èran lo racionalisme scientific e l'illuminisme. En particular, i depintèt d'innovacions futuras, coma la fotografia ò la television, e i estudièt de subjèctes sociaus que venguèron d'enjòcs majors a partir dei sègles XIX e XX coma la libertat sexuala ò lo socialisme. Per aquelei rasons, es sovent considerat coma un dei premiereis autors de sciéncia-ficcion.