Tibla
Una tibla, paleta, palustra o esparvèr (gasc.) es un aplech usat en lo bastiment format d'una lama metallica de forma triangulara tenguda per un margue de fusta que s'utiliza per aplicar e manejar lo mortièr e l'argamassa. S'es pichona se sòl nomenar tiblon.[1]
La lama acostuma a èsser d'acièr laminat en fred e amb divèrses tractaments per porgir durabilitat e resisténcia. La forma de la lama metallica es basicament triangulara mas pòt aver qualque contorn arredondit allòc d'acabar en punta e en qualques cases amb lo vèrtex de triangle talhat pel que la siá forma es un trapezi isoscela.
La tria del tipe de tibla depend del trabalh e del material que cal trabalhar, per exemple se nomena gipsièra la tibla qu'acaba en punta çò que li permet de far d'acabats en cantonadas mentre que lo tiblon se sòl emplegar en acabats finals. Per qualques trabalhs se pòdon completar lo sieu trabalh amb autres esturments coma la plana, l'espatula e la rasqueta.
En mai d'èsser una aisina per conformar e transportar material complís una mission de proteccion al trabalhador, perque evita lo contacte dirècte de las siás mans amb los materials de bastiment coma la greda e lo ciment que damanajan la pèl après de contactes perlongats. Aquel esturment es considerat coma un dels mai basics pel perièr.
Vejatz tanben
modificarReferéncias
modificarLigams extèrnes
modificar- ↑ Aguiló i Fuster; Marià. Diccionari Aguiló: materials lexicogràfics / aplegats per Marià Aguiló i Fuster; revisats i publicats sota la cura de Pompeu Fabra i Manuel de Montoliu. Institut d'Estudis Catalans, p. 17–. GGKEY:ZGKTFWR9GWW [Consulta: 27 març 2011].