Thylacosmilus es un genre escantilhat de mamifèr metaterian de l'òrdre dels esparassodontes. Foguèt un grand predator amb dents de sabre e familha dels marsupials, amb la longitud d'un jaguar e que pesava d'aperaquí 100 quilograms. Demorèt pendent l'edat del Tortonian e fins al Paisancian en America meridionala. Se sap pas encara quales foguèron lors ancessors ne lors descendents.

Las dents de Thylacosmilus èran mai longas que las mans d'un èsser uman.

Maugrat qu'èra pas familha del tigre de dents de sabre foguèt un bon exèmple d'evolucion covergenta. Aguèt de grandas dents que s'arrestavan pas jamai de créisser e pr'amor d'aquò son mai longas que la man d'un èsser uman. Atanben aviá de fòrtas espatlas e aquò l'ajudava del temps qu'especejava las sieunas predas. De rèstas d'aqueste animal son estadsas encontradas en plusors luòcs d'America del Sud.

La sieuna extincion arribèt pendent la fin del Pliocèn après lo grand intercambiament que i aguèt entre America del Nòrd e America del Sud tre l'union de las doas Americas e la naissença de l'istme de Panamà fa 2,7 Millions d'annadas. L'ipotèsi que disiá qu'èra estat eliminat per la competicion amb de grands felins coma Smilodon, es uèi considerada coma corrècta pr'amor que Thylacosmilus s'escantilhèt pendent la fin del Plaisancian (2,58 - 3,600 Ma) e las primièras rèstas de tigres de dents de sabre en America del Sud son pas anterioras a la fin d'aquela edat (2,58 à 3,600 Ma), e aquò fa l'ipotèsi mai vertadièra.