The Sisters of Mercy
The Sisters of Mercy es un grop de ròck gotic anglés, originari de Leeds (Anglatèrra). Foguèt fondat en 1980 pel cantaire Andrew Eldritch e lo guitarrista Gary Marx.
Plan influent dins lo mitan gotic, lo grop a pasmens sortit sonque tres albums en 40 ans.
The Sisters of Mercy es de'n primièr lo grop del cantaire anglés Andrew Eldritch, a l'entorn de lo qual los musicians an sovent cambiats, lo guitarrista Gary Marx avent quitat lo grop tre 1985. Se pòt citar coma ancians sòcis avent participat a The Sisters of Mercy lo bassista Craig Adams (de 1981 a 1985), la bassista e corista Patricia Morrison (de 1987 a 1989), puèi Tony James (de 1989 a 1991), lo guitarrista Ben Gunn (de 1981 a 1983), remplaçat per Wayne Hussey (de 1983 a 1985), o encara Andreas Bruhn, guitarrista de 1989 a 1993.
L'una de sas caracteristicas es d'emplegar sistematicament una caissa ritmica nommada Doktor Avalanche. Present sus totes los enregistraments e utilizat a cada concèrt, l'instrument es considerat coma una entitat a part entièra del grop.
Andrew Eldritch es ambe The Sisters of Mercy l'un dels fondators de l'estili ròck gotic. Pasmens, paradoxalament, refusa per el aquel tèrme tròp ambigú de gotic.[1]
Discografia modificar
- First and Last and Always (1985)
- Floodland (1987)
- Vision Thing (1990)
Cançons mai conegudas modificar
- Alice (1982)
- Temple of Love (1983)
- Walk Away (1984)
- Marian (1985)
- This corrosion (1987)
- Dominion (1988)
- Lucretia My Reflection (1988)
- More (1990)
- Dr Jeep (1990)
- Vision Thing (1991)
- Temple of Love (novèla version de 1992, ambe Ofra Haza)