The Kinks
The Kinks es un grop de rock britanic, de'n primièr format en 1963 jos lo nom de The Raven (Los Corbasses) per dos fraires guitarristas, Raymond (Ray) Douglas Davies e David Russell Gordon Davies, originaris de la banlega Nòrd de Londres, ambe un amic, Pete Quaife a la bassa (que quita lo grop en 1969, alavetz remplaçat per John Dalton) e Mick Avory (batariá). De caps 1964 cambian lo nom del grop en The Kinks (Los Deviants)[1].
Aprèp aver sortit dos 45 torns sens resson, ne sortisson un tresen qui, aqueste còp, obteng un succès colossal en 1964, e es encara a l'ora d'ara un estandard del rock : You Really Got Me. Aital, la cançon es n°1 au Reialme Unit e es quitament un tube aus Estats-Units. Lo 45 torn d'aprèp, All Day and All of the Night, obteng una capitada similara.
Aital, en 1965, los Kinks fan partida de l'invasion britanica coma díson los jornalistes americans, es a díser de l'anda de grops angleses lançada per lo succès aciu delà dels Beatles que lors cançons desforrelan aus Estats Units, còsta The Rolling Stones, The Who, The Animals, Herman's Hermits... E d'aquesta passa, los Kinks son tanben considerats coma una influéncia màger de la segonda anda britpop del mitan de las annadas 1990 (Blur, Oasis, Dodgy, Supergrass...), mentre que paradoxalament en aquesta periòda lors pròpris albums se vendián pas pus, çò que fa que se son desseparats en 1996.