Tension electrica
La tension electrica designa lo fenomèn de circulacion dau camp electric lòng d'un circuit electric. Es mesurada en volts e es tradicionalament notada V ai bòlas d'un dipòl electric. Se lo circuit contèn au mens un element de resisténcia non nulla, l'existéncia d'una tension i indica la preséncia d'un generator electric. Existís tres tipes diferents de tension, continua, ondulada e alternativa, que tènon de caracteristicas adaptadas a divèrseis aplicacions (electronica per lo corrent continü, transpòrt d'electricitat per lo corrent alternatiu, etc.). Per aquò, la reglementacion de mai d'un Estat definís plusors tensions tecnicas, coma lo 230 V francés, utilizablas per leis aparelhs electrics.
La tension es una grandor sovent confonduda amb la diferéncia de potenciau electric (ddp) entre dos ponchs d'un circuit electric. Pasmens, se lei doas nocions son equivalentas en regim estacionari, es pas lo cas en regim variable (corrents alternatius...).