Circuit electric

Un circuit electric es un ensemble simple o complèxe de conductor e de compausants electrics o electronics percorreguts per un corrent electric.

Esquèma d'un circuit electric de tipic RLC.

Circuit electric a Calcuta, Índia.

L'estudi electrocinetica d'un circuit electric consistís a determinar, en luòc quin que siá, l'intensitat del corrent e la tension. S'utiliza per aquò las caracteristicas de compausants e de leis simples d'estudi dels circuits.

Regim continú

Un circuit en regim continú (es a dire que las grandors dependon pas del temps) conten al minim un generator electric que va desliurar una tension (o un corrent) constant(a) e de resisténcias; se pòt aver tanben un motor nomenat mai sovent receptor.

L'estudi del circuit pòt se far amb las leis seguentas:

• Las Leis de Kirchhoff (lei dels noses e lei de las malhas) que donan las relacions entre las diferentas grandors del circuit.

• La Lei d'Ohm que caracteriza la tension U a la bòrnas d'una resisténcia al respècte de l'intensitat I la traversant. Se la resisténcia es de R: U = RI.

Autres metòdes:

• Lo teorèma de Kennelly.
• Lo teorèma de Norton: tot circuit resistiu es equivalent a una font de corrent ideala I, en parallel amb una simpla resisténcia R.
• Lo teorèma de Thévenin: un malhum electric lineari vist de dos punts es equivalent a un generator perfièch que la tension es egala a la diferéncia de potencial a void entre aquestes dos punts, en seriá amb una resisténcia egala a aquesta que se mesura entre los punts quand los generators independants son renduts passius.

Regim transitòri

S'alimenta sempre en corrent continú un circuit comprenent un condensator o una bobina o los dos.

Las grandors U e I passarán per un regim transitòri, abans d'aténher un regim permanent. Las leis enonciadas çai dessús s'aplican encara.

Regim sinusoïdal

S'alimenta aqueste còp lo circuit en corrent alternati. S'agís en fach d'una Onda electromagnetica que se propaga. Se pòt estudiar lo circuit amb las leis conegudas se la longor d'onda es negligibla dabant las dimensions del circuit. Dins lo cas contrari se parlarà de linhas de transmission que l'estudi es mai complèxe.

Representacion de la tension electrica e convencions

Convencion de representacion del corrent e de la tension sus un dipòl receptor.
a : Convencion recommandada segon la nòrma internacionala IEC/CEI 60375 ed2.0
b : Convencion en usatge als EUA
c : Convencion en usatge en França

Un circuit electric es mai sovent representat jos forma d'un esquèma electric. Es alara util de representar la tension e tanben lo corrent parcorrissent los diferents elements del circuit. Per aquò de convencions son utilizadas. La convencion en usatge mai corrent es aquesta recomandada per la Comission electrotecnica internacionala, pasmens d'autras convencions son en usatge seguent los païses. Es per exemple lo cas dels EUA qu'indican la tension pels signes + al potencial naut e - al potencial bas. En França, la convencion receptor representa la tension a l'invèrs de la convencion CEI 60375. Que que siá, pas cap de representacions es justa o falsa. S'agís que de convencions que tòcan pas cap le sens de percors fisic del corrent electric e tampauc l'orientacion de la diferéncia de potencial sul dipòl.

Applicacions

L'electronica analogica utilisa unas proprietats dels circuits electrics per realizar un cèrt nombre de foncions (Amplificacion, filtratge, comunicacions…)

Cort circuit

Un cort circuit es una mesa en relacion dirècta de dos punts que son a de potencials electrics diferents. Existís dos tipes de cort circuit:

1. Corrent alternatiu: ligam entre fasas, entre fasa e neutre o entre fasa e massa conductritz;
2. Corrent continú: liaison entre doas polaritats o entre la massa e la polaritat qu'es isolada;

Un cort circuit se traduch per un aument brutal del corrent que pòt aténher en unas milisegondas una valor egala a mai d'un còp lo corrent d'emplec.

Vejatz tanben

Articles connèxes

• Compausant electric
• Font de tension