Tazumal
Tazumal es un site arqueologic maia situada au Salvador. Fa partida dau complèx arqueologic de Chalchuapa.
Poblat tre lo periòde preclassic, l'endrech venguèt un centre demografic important durant lo periòde classic (200-900 apC) en despiech d'una destruccion probabla per una erupcion dau volcan Ilopango a la fin de l'epòca preclassica ò au començament dau periòde classic. A son apogèu, la ciutat aviá de liames importants ambé Teotihuacan, Kaminaljuyu, Copán e probablament Chichen Itza. Lo site foguèt abandonat vèrs 1200 au profiech d'un autre endrech de Chalchuapa.
De recèrcas foguèron menadas sus lo site dins lo corrent deis ans 1940 per l'Estatsunidenc Stanley Boggs (1910-1991) que comencèt tanben de trabalhs de restauracion. En 1947, lei vestigis foguèron classats monuments istòric nacionau per lo govèrn salvadorian. Pasmens, lei recèrcas s'arrestèron après la partença de Boggs. Au començament dau sègle XXI, certaneis estructuras s'afondrèron entraïnant la mobilizacion de doas còlas d'arqueològs per estudiar tornarmai lo site.