Tasca (Ancian Regim)
(Redirigit dempuèi Tasca (Regim Ancian))
Jos l'Ancian Regim, la tasca (var. tascha) o lo garbatge o lo terratge èra un impòst senhoral, levat en natura, proporcional a la culhida, qu'oscillava de 1/12 a 1/6. Se levava aprèp lo dèime degut al clergat.
Lo beneficiari es apelat «tascaire» o «garbatjaire».
Aquel levament èra efectuat pel senhor sus las tèrras roturièras en cultura, plan sovent sus las cerealas (pus aisadas de conservar), en mejana una garba sus uèch.
A partir del sègle XVI, foguèt sovent convertit en cens: un pagament reduch, mas en argent, e particularament dins l'Illa de França. De tascas en natura perdurèron ça que la entrò la Revolucion, per exemple en Borgonha.