Tartuf o l'Impostor

Tartuf o l'Impostor (en francés Tartuffe ou l'Imposteur) qu'ei ua comedia en 5 actes e en vers alexandrins de Molière estreada lo 12 de mai de 1664 au teatre deu castèth de Versalhas. Que critica los faus devòts.

Personatges

Madame Pernelle : mair d'Orgon.
Orgon : marit d'Elmire e hilh de Madame Pernelle.
Elmire : molher d'Orgon.
Damis : hilh d'Orgon e hrair de Mariane.
Mariane : hilha d'Orgon, sòr de Damis e aimadora de Valère.
Valère : amador de Mariane.
Cléante : conhat d'Orgon.
Tartuf : faus devòt.
Dorine : serviciala de Mariane.
Monsieur Loyal : sargent reiau.
Un exempt.
Flipote : serviciala de Madame Pernelle.

Resumit

Orgon qu'ei un òmi ric e important cadut devath l'influéncia d'un impostor aperat Tartuf e qui l'impressiona per la soa devocion aparenta, au punt de váder lo son director de conciéncia. La mair d'Orgon tanben qu'ei impressionada per Tartuf, au contra deu autes membres de la familha qui s'adonan de que Tartuf qu'ei un impostor. Aqueste que se las vira entà véde's perpausar Marianne, la hilha d'Orgon en maridatge, au medish temps qu'ensaja de sedusir la soa molher, Elmire, mei joena que lo son òmi. Fin finau Tartuf que cad dens un tracanard d'Elmire e Orgon que s'adona eth tanben de la vertat, mes qu'ei tròp tard per'mor qu'a ja impradament hèita ua donacion deus son bens a Tartuf. En mei d'aquò, aqueste que'u va denonciar au rei au mejan de papèrs comprometent. Lo rei, totun, que'u conserva la soa amistat e qu'arresta Tartuf.

Portal de la literatura