TRAPPIST-1

TRAPPIST-1, coneguda tanben coma 2MASS J23062928-0502285, es una estela nana ultra-freda de tipe espectral M8 V (nana roja de tipe avançat) situada a 39 annadas lutz de la Tèrra, dins la constellacion d'Aqüari. Es pas gaire pus granda que Jupitèr e emet una fraccion de la radiacion del Solelh.

Illustracion d'artista : TRAPPIST-1 e sas set planetas

En 2015, una equipa d'astronòms dirigits per Michaël Gillon, de l'Institut d'Astrofisica e Geofisica de l'Universitat de Lièja en Belgica, utilitzèt lo telescòpi TRAPPIST (TRAnsiting Planets and PlanetesImals Small Telescope, en occitan Telescòpi Pichon per Planetas en Transit e planetesimals) a l'Observatòri de la Silla dins lo desèrt d'Atacama (Chile) per observar TRAPPIST-1 e i cercar de planetas de talha similara a la Tèrra que l'orbitèsson mejançant lo mètode de transit, e ne'n descobriguèron tres, TRAPPIST-1 b, TRAPPIST-1 c i TRAPPIST-1 d. Lo 22 de febrièr de 2017, un grop d'astronòms sota la direccion del meteis Gillon anoncièron la descobèrta de quatre exoplanetas a l'entorn de TRAPPIST-1. En mai de TRAPPIST, aquesta recèrca utilizèt lo Very Large Telescope del Paranal e lo Telescòpi espacial Spitzer de la NASA, entre d'autres, e descobriguèt que almens tres, e benlèu totas, èran dins sa zòna d'abitabilitat estellara.