Nana roja

La nana roja es lo tipe d'estela pus pichona e pus freda de la sequéncia principala. Las nanas rojas son de luenh lo tipe d'estela pus corrent dins la Via Lactèa, al mens al vesinatge del Solelh, mas en rason de sa febla luminositat, las nanas rojas individualas son de mal observar. Dempuèi la Tèrra, cap estela que correspond a la definicion estricta d'una nana roja es pas vesedoira a uèlh nud. Proxima Centauri, l'estela pus pròcha del Solelh, es una nana roja, tot coma cinquanta de las seisentas estelas pus pròchas. Segon d'unas estimacions, las nanas rojas representan los tres quarts de las estelas de la Via Lactèa.

Proxima Centauri, l'estela pus pròcha del solelh, a una distància de 4.2 annadas lutz, es una nena roja

Las nanas rojas pus fredas pròchas del Solelh an una temperatura de susfàcia d'aperaquí 2 000 K e las pus pichonas an de rais d'aperaquí 9 % de lo del Solelh, amb de massas d'aperaquí 7,5 % de la del Solelh. Aquelas nanas rojas an de classas espectralas de L0 à L2. Tenon de prorietats comunas amb las nanas brunas, ja que las nanas brunas pus massisas de febla metallicitat pòdon èsser tant caudas coma 3 600 K e aver de tipes espectrals M tardius.