TER
|
Transport Express Régional | |
|---|---|
 | |
| Forme juridica : | Marca comerciala |
| Creacion : | 1984 |
| Eslogan : | Pour être bien, bougeons mieux. |
| Sèti social : | París {{França}} |
| Personas clau : | Guillaume Pepy, President |
| Sector d'activitat : | transpòrt de personas |
| Produches : | transpòrt en tren e autobús |
| Societat maire : | SNCF |
| Efectiu : | 210 000 |
| Sit Web : | http://www.ter-sncf.com/ |
Lo Transpòrt Exprès Regional, correntament conegut jos la sigla TER, es una ret de trens de viatjaires creada lo 10 de genièr de 1993 per la Societat Nacionala dels Camins de Fèrre Franceses (SNCF) e las regions, per servir las destinacions al dintre d'una meteissa region administrativa, e tanben las estacions pròchas de las regions vesinas. Uèi es una marca comerciala de la SNCF.
FoncionamentModificar
Lo TER se fonda sus una organizacion regionalizada. Per aquesta rason l'entrepresa es pilotada d'un biais fondat sus la descentralizacion e la proximitat. La Region, essent ara l'autoritat organizaira del transpòrt ferroviari dels viatjaires, la SNCF deu intervenir a aqueste nivèl.
Cada region francesa conclusiguèt una convencion amb la SNCF que fixa los ròtles e las missions de la region e de la SNCF. La region definís l’ofèrta de servici TER que desira (dessèrta, qualitat de servici, tarifa, etc.) ; la SNCF realiza aquel programa.
Cada region pòt, sul seu budgèt, completar çò balhat per l'Estat dins lo quadre de la descentralizacion.