Sumerian
Lo sumerian es una lenga mòrta qu'èra parlada dins l'Antiquitat en Mesopotamia Bassa durant lei millenaris IV e III avC. Coma d'autrei lengas de l'Antiquitat mesopotamiana (elamita, hatti), es una lenga isolada. Escrich en cuneïfòrme, es benlèu la pus anciana lenga escricha de l'istòria[1]. Foguèt remplaçat per l'akkadian coma lenga de la vida vidanta vèrs lo sègle XX avC. Pasmens, demorèt utilizat coma lenga sacrada, literària e scientifica fins au sègle I avC per l'elèit de la region[2].
