Stridsvagn 122
Lo Stridsvagn 122, abreujat en Strv 122, es un carri de combat principau suedés intrat en servici en 1996-1997. Es una adaptacion dau Leopard 2A5 alemand que foguèt producha en Alemanha e en Suècia a 120 exemplaris. A respècte dau modèl, es totjorn armat d'un canon de 120 mm e d'una mitralhièra de 7,62 mm. Pasmens, intègra un blindatge composit suplementari sus lei partidas superioras e a adoptat de sistèmas eissits de la propulsion renfòrçada de l'obusier PzH 2000. Es tanben capable de tirar de municions suedesas e israelianas. Aquò li dona una massa de 62 tonas e una velocitat de 50 km/h sus lo prat batalhier (68 km/h sus rota).
Dins l'armada suedesa, lo Stridsvagn 122 remplacèt lo Stridsvagn 121. Pasmens, dins lo corrent deis ans 2000-2010, lo nombre d'exemplaris operacionaus demeniguèt lentament (42 en 2017). Lo rèsta foguèt plaçat en resèrva. Divèrsei modernizacions an tanben entraïnat l'aparicion de plusors versions diferentas per adaptar lo blindat ai climas pus cauds, melhorar lo blindatge e lei sistèmas de comunicacion. En 2023, au mens 10 exemplaris foguèron donats a Ucraïna.