Stand News (chinés : 立場新聞) èra un site d'actualitats en linha gratuit e de tòca non lucrativa basat a Hong Kong, de 2014 a 2021. Fondat en decembre de 2014, succedissiá House News. Se concentrava principalament sus las questions socialas e politicas a Hong Kong e adoptava generalament una posicion editoriala prodemocracia.

Stand News foguèt classat al primièr reng en tèrmes de credibilitat entre los medias d'informacion en linha a Hong Kong dins dos sondatges d'opinion menats per l'Universitat chinesa de Hong Kong en 2016 e 2019.[1][2]

Lo 29 de decembre de 2021, dins un contèxte de repression creissenta dels medias pel governament chinés après la promulgacion en 2020 de la lei sus la securitat nacionala de Hong Kong, Stand News foguèt perquisicionat per las fòrces de poliça de Hong Kong, qu'arestèron los cadres superiors e gelèron los actius de l'entrepresa. En consequéncia, comme Apple Daily pus lèu la meteissa annada, Stand News foguèt constrenh de licenciar son personal e de cessar sa publicacion.[3]