Sosmarin lançaire de missils de crosiera
Un sosmarin lançaire de missils de crosiera es un tipe de sosmarin militar aparegut dins lo corrent de la Guèrra Freja. Sovent equipat d'una propulsion nucleara, son principalament armats de missils de crosiera e de missils antinaviris. A l'origina, foguèt desvolopat per la flòta sovietica per saturar lei defensas antimissils dei grops aeronavaus de l'OTAN. Pasmens, pòu tanben èsser utilizat per l'ataca de butas terrèstras. La màger part dei sosmarins lançaires de missils de crosiera gardan la possibilitat de tirar de missils armats d'ogivas nuclearas.