Sopa de Cabra, sonats popularament Els Sopa, foguèt un grop de musica rock catalan. La formacion creada en 1986 e sovent adscricha al movement sonat Rock Catalan se dissolguèt en 2001, pasmens se son tornats formar après 2015, après une primièra e efemèra reformacion en 2011.

Sopa de Cabra en 2011 a Girona.

Istòria modificar

Lo grop Sopa de Cabra se formèt en 1986 a Girona e aprèp qualques annadas de concèrts e d'una maqueta enregistrèron son primièr disc "Sopa de Cabra" en 1989. Pauc de temps aprèp enregistrèron lo segond album "La Roda" (1990) amb la produccion de Marc Grau. En 1991 Sopa de Cabra enregistrèt un doble disc en dirècte "Ben endins" dins la sala Zeleste de Barcelona, e lo concèrt multitudinari del Palau Sant Jordi que faguèron amassa amb Els Pets, Sau e Sangtraït davant mai de 22 000 personas.

En 1992 editan "Girona 83-87 Somnis de carrer" amb un recuèlh de vièlhas cançons, un an abans de cambiar d'ostal discografic e a mai de lenga (passèron a l'espanhòl) dins lo disc "Mundo Infierno". En 1994, aprèp una cèrta polemica lingüistica (e segur una manca de succès en espanhòl), tòrnan editar un disc completament en catalan "Al.lucinosi". En 1996 sortís son seten disc "Sss..." e un còp mai decidisson de cambiar d'ostal discografic e espelís puèi en 1997 lo segond disc en dirècte "La nit dels anys", un disc acostic enregistrat dins la sala l'Espai.

En 1998 sortisson lo disc "Nou" e participan al primièr festival del Senglar Rock. En 2000 recebon un disc de platina (100 000 còpias vendudas) pel "Ben Endins", publicat uèch annadas abans.

En 2001 fan "Plou i fa sol" e partisson far una virada capitada d'adieu per tot lo Principat de Catalonha, lo País Valencian e las Islas Balearas.

En 2002 sortís "Bona Nit Malparits!" enregistrat pendent los darrièrs concèrts de Sopa de Cabra dins la sala Razzmatazz.

Foguèt en 2003 qu'espeliguèt lo darrièr disc "El llarg Viatge", qu'èra un concèrt acostic realizat dins la sala l'Espai en 2001.

Lo 2 de març de 2011 anóncian que se reformaràn per un concèrt unic lo 9 de setembre de 2011.

Membres modificar

  • Gerard Quintana - cantaire
  • Josep Thió - guitarrista
  • Joan "Ninyin" Cardona - guitarrista
  • Francesc "Cuco" Lisicic - bassista
  • Josep Bosch - batariá
  • Jaume Soler "Peck" - guitarrista (a partir de 1997)
  • Eduard Font - clavièrs (a partir de 1999)

Aprèp Sopa de Cabra modificar

Aprèp la dissolucion de la formacion comencèron una carrièra musicala en solista Gerard Quintana e Josep Thió. Cal dire, a mai, que d'aquela scission nasquèt lo grop Kabul Babà, que i a Jaume Soler "Peck" e Francesc "Cuco" Lisicic. Josep Bosch tanben èra part d'aqueste ensems del temps de l'enregistrament del primièr disc sieu (Clu) e la virada ulteriora.

Discografia modificar

Albums modificar

  • Sopa de Cabra (1989)
  • La Roda (1990)
  • Ben endins (1991) (Directe)
  • Girona 83-87 "Somnis de Carrer" (1992)
  • Mundo Infierno (1993)
  • Al.lucinosi (1994)
  • Sss... (1996)
  • La nit dels anys (1997) (Directe)
  • Nou (1998)
  • Dies de Carretera (2000)
  • Plou i fa sol (2001)
  • Bona nit, malparits! (2002) (Directe)
  • El llarg viatge (2003)
  • Cercles (2015)
  • La gran onada (2020)

Ligams extèrnes modificar