Sopa au pisto

(Redirigit dempuèi Sopa au piston)

La sopa au pisto es una especialitat culinària provençala e de la Comtèa de Niça. Es una sopa d'estiu compausada amb de liumes, d'alhet, d'òli d'oliva e de balicòt.

Sieta de sopa au piston

Etimologia modificar

pisto es un substantiu derivat dau vèrbe pistar. Lo pisto es çò que sobra de l'accion de pistar, generalament dins un mortier[1]. Per abús, lo pisto pòu designar de còp solament lo balicòt.

Recepta modificar

Metre dins una ola dos litres d'aiga ambé 1/2 quilograme de baneta copadas en pichons bocins, 3 o 4 trufas amenudadas, 2 tomatas peladas e chapladas ; assasonar e laissar coire. Au tres quarts de la coseson, apondre 500 g de gròs vermicèlis e laissar finir de coire, mas doçament, per de dire que s'estaque pas au fons, car aquela sopa deu èstre espessa. Au moment de servir, trissar 2 o 3 venas d'alhèt ambé una branca de balicòt, asagar de 3 o 4 culhièrs d'òli d'oliva, en virant coma per formar un alhòli clar : destrempar aquela composicion ambé 2 culhièrs de la sopa, metre puèi dins la sopièra ambé ambé un punhat de formatge raspat en remenant ben.

  1. https://www.lexilogos.com/provencal/felibrige.php?q=pista