Sivapithecus

Sivapithecus ei un genre escantit de primat. S'an trapat fossils classats aué dens aguest genre en eth sègle XIX enes montanhes Siwalik, en Índia. S'a confermat que demorèc demest hè 12,5 e 8,5 milions d'ans. Quinsevolhe espècie d'aguest genre ei er ancessor der actual orangotan.

Sivapithecus ei er ancessor der orangotan común. Demorèc hè demest 12,5 e 8,5 milions d'ans en Nepal, Paquistan e Índia e ei pas nat ancessor de chimpancés o umans.

Es prumèrs fossils agueren noms desparièrs coma Ramapithecus (eth monard de Rama) o Bramapithecus (eth monard de Brahma) e se pensave qu'èren ancessors des umans, mès aué se sap qu'açò ei pas possible.

Descurbiment

Es prumèrs especimèns o es sòns troçi sigueren trapats en eth nòrd de Índia ara fin deth sègle XIX. Ua auta trobalha siguec hèta en Nepal, prèp der arriu Tinau, en er oèst deth país, en 1932. Aguesta trobalha siguec aperada damb eth nom Ramapithecus. Siguec G. Edward Lewis qui diguec qu'aguest ère desparièr de Savapithecus pr'amor qu'era maishèra ère mès semblanta ara d'un uman que quinsevolhe aute fossil de primat jamès trapat (1). En 1960 era polemica tornèc. En aquera epòca se creia qu'es ancessors des umans s'avien desseparat des autes primats hè 14 milions d'ans. Estudis bioquimics díden adara qu'era desseparacion passèc avans sustot demest es ancessors des orangotans e er ancessor comun deth chimpanzé, eth gorilla o er òme.

Dempús s'an trapat especimèns mès sancers de Ramapithecus demest 1975 e 1976 que confermaren qu'ère mens umans que non se pensava. Començava a semblar mès e mès coma Sivapithecus e pr'açò er ancian nom tornèc a éster prioritari. Podie éster que Ramapithecus estosse ua hemelha de Sivapithecus (2). Èren finauments deth madeish genre.

Ambdús s'avien dessseparat der ancessor comun de chimpanzés, gorillas e umans e poderie éster eth gran monard prïstoric Nakalipithecus nakayamai.

Es especimèns de Siwalik sigueren classats laguens deth genre Ramapithecus e aué plan de scientifics pensen qu'apertenhen a ua o mès espècies de Sivapithecus. Ramapithecus a sigut confermat coma un animal que siguec pas un ancessor des umans.

En 1982 David Pilbeam descriguèc ua trobalha fossil qu'includie un troç dera cara e ua maishèra de Sivapithecus. Er especimèn avia plan de semblances damb eth cran d'un orangotan. Açò hèc mès hòrta era teoria que didçia que Siovapithecus ère dera familha des orangotans.

Descripcion

Sivapithecus hèia 1,5 m e es sues mesures èrene semblants as d'un orangotan modern. Semblava tanben un chimpanzé mès era sua cara ère coma era d'un orangotan. Es mesures de sòn cos suggereish que dilhèu demorava en tèrra mès tanben sus es arbes (3). Avie uns canins longui e uns molars fòrça pesants. Açò conferma qu'avia ua dieta de minjar mofle coma grana e èrba es savanes.

Espècies

· Sivapithecus indicus, es fossils deth qual son de hè demest 12,5 e 10,5 milions d'ans (4).

· Sivapithecus sivalensis, que demorèc demest 9,5 e 8,5 milions d'an. Siguec trapat en eth planèr de Pothowar, en Paquistan, e tanben en Índia. Er animal ei dera mesura d'un chimpanzé mès à era cara d'un orangotan. Minjava fruta e demorava probablaments sus es arbes.

· Sivapithecus parvada, descrit en 1988, mès gran qu'es autes dus espècies e que demorèc hè 10 milions d'ans.

Referències

1.- Gibbons, Ann (2006). The first human. Doubleday. ISBN 978-0-385-51226-8.

2.- Kelley, Jay (2002). "The hominoid radiation in Asia". In Hartwig, W. The Primate Fossil Record. Cambridge University Press. pp. 369–384. ISBN 978-0-521-66315-1.

3.- Palmer, Douglas (1999). The Marshall Illustrated Encyclopedia of Dinosaurs and Prehistoric Animals. London: Marshall Editions. pp. 292–293. ISBN 1-84028-152-9.

4.- Szalay, Frederick S.; Delson, Eric (1979). Evolutionary History of the Primates. New York: Academic Press.