Sirenia (grop)
Sirenia es un grop de gothic metal d'Stavanger, en Norvègia que fa una mescla de gothic metal e de symphonic metal, amb d'elements de black metal e de death metal. Lei votz consistisson en renadissas sornas, en un cant femenin pròche de l'opèra e en un cant masculin net. Lei paraulas, escrichas per Morten Veland, parlan d'una istòria conceptuala que remonta au començament dau grop e que quicha subre l'existéncia umana, l'emocion e leis estats mentaus.
Lo grop utiliza de sequéncias instrumentalas melodicas, de sintetizadors e de guitarras distorçudas amb lei votz diversificadas ja evocadas, un còr e de violons.
Lo primier album, At Sixes and Sevens, es de notar per sa conclusion amb la melodia lenta e doça "In Sumerian Haze", ont Fabienne Gondamin canta en se fasent acompanhar d'un violon; si qu'es una cançon que contrasta fòrt amb lei votz mortuàrias de la rèsta de l'album.
Istoric modificar
Sirenia apareguèt au començament de 2001, quand Morten quitèt son ancian grop Tristania a causa de desacòrdis musicaus e personaus. Lo grop arribèt pas de trobar una cantaira satisfasenta avans de regitrar en França. Aquí faguèron d'audicions e trobèron Fabienne Gondamin per la cançon At Sixes and Sevens. Après aver registrat un album amb Sirenia ("At Sixes and Sevens"); Fabienne Gondamin foguèt remplaçada per Henriette Bordvik que lo grop registrèt amb ela dos albums ("An Elixir For Existence" e lo cort "Sirenian Shores"). Liurèron puei un tresen album, "Nine Destinies and a Downfall", amb una cantaira novèla, Monika Pedersen, de Danemarc, en seguida dau despart d'Henriette Bordvik. Bjørnar Landa (dau grop Artifact) leis rejonguèt mentre que registravan "Nine Destinies and a Downfall".
Discografia modificar
Albums modificar
- At Sixes and Sevens (2002)
- An Elixir for Existence (2004)
- Sirenian Shores (cort) (2004)
- Nine Destinies and a Downfall (2007)
Simples modificar
Sòcis modificar
Sòcis actuaus modificar
- Morten Veland - programacion, renadissas / votz masculina neta, guitarra, bassa, claviers
- Monika Pedersen - votz femenina
- Jonathan A. Perez - batariá
- Bjørnar Landa - guitarra
Sòcis ancians modificar
- Henriette Bordvik - votz femenina (2002-2005)
- Kristian Gundersen - votz masculina neta, guitarra (2001-2004)
Sòcis de sessions modificar
- Fabienne Gondamin - votz femenina (2001)
- Jan Kenneth Barkved - votz masculina neta
- Pete Johansen - violon
- Hans Henrik Varland - claviers
- Anne Verdot - violon
- Roland Navratil - batariá