Simone Veil
Simone Veil, nascuda Simone Jacob lo 13 de julhet de 1927 a Niça e mòrta lo 30 de junh de 2017 a París, es una magistrata e una femna d'Estat francesa.
Nascuda dins una familha josiva a las originas lorrencas, es deportada a Auschwitz a l'atge de 16 ans, mentre la Shoah, ont pèrd son paire, son fraire et sa maire. Salvada ambe sas sòrres Madeleine e Denise, tanben deportadas, esposa Antoine Veil en 1946 puèi, après d'estudis de drech e de sciéncia politica, entre dins la magistratura coma nauta foncionària.
En 1974, es nommada ministra de la Santat pel president Valèri Giscard d'Estanh, que la carga de far adoptar la lei depenalizant lo recors per una femna a l'interrupcion volontària de grossessa (IVG), lei que serà après correntament designada coma la «lei Veil». Apareis d'aquí enlà coma icòna de la luta contra la discriminacion de las femnas en França.
Es la primièra persona a accedir a la presidéncia del Parlament Europèu — novèlament elegit al sufragi universal —, una foncion qu’ocupa de 1979 a 1982. De faiçon generala, es considerada coma l'una de las promotritz de la reconciliacion franco-alemanda e de la construccion europèa.
De 1993 a 1995, es ministra d'Estat, ministra dels Afars socials, de la Santat e de la Vila del govèrn d'Édouard Balladur. Sèi al Conselh Constitucional de 1998 a 2007, abans d'èsser elegida a l'Acadèmia Francesa en 2008.
Sus decision del president Emmanuel Macron, Simone Veil fa son intrada al Panteon ambe son espós lo 1èr de julhet de 2018.
Nòtas e referéncias
modificar- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Simone Veil ».
Nòtas
modificar- ↑ Es successivament ministra de la Santat (1974-1977), ministra de la Santat e de la Securitat sociala (1977-1978), puèi ministra de la Santat e de la Familha (1978-1979).
Referéncias
modificar
Vejatz tanben
modificar| Sus d'autres projècte de Wikimedia: | |
 |
Commons (Galariá) |
| |
Commons (Categoria)  Modèl:Commonscat/categories
|