Silenci e Crit

Silenci e Crit
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Títol original	''Csend és kiáltás''
Realizacion	Miklós Jancsó
Actors principals	Mari Töröcsik József Madaras Zoltán Latinovits Andrea Drahota
Scenari	Gyula Hernády Miklós Jancsó
Decòrs	Tamás Banovich
Fotografia	János Kende
Montatge	Zoltán Farkas
Produccion	Lajos Kiss András Németh
Societat de produccion	Mafilm
Format	Blanc e negre
Genre	Drama istoric
Durada	73'
Sortida	1968
Lenga(s) originala(s)	ongrés
País d’origina	Ongria

Silenci e Crit (Csend és kiáltá) es lo cinquen filme long d'en Miklós Jancsó, realizat en 1968. Se ne pòt tot parièr considerar coma lo darrièr d'una vertadièra trilogia subre la violéncia dins l'istòria aprèp 'Los Desesperançats (violéncia de l'opression) e Roges e Blancs (violéncia de la guèrra).

Aicí se ne tracha d'una violéncia fòrça mai intima e desparaulabla.

Es tanben aiceste filme una mena d' abotiment del biais de filmar d'en Jancsó ( e son escritura del plan sequéncia amai las siás arquitecturas geometricas...) que luòga de demorar un estèta ancorat dins un sol estil ne cambiarà del tot al tot o quasi, dequ'unas annadas mai tard, dins Salme roge, lo siu vertadièr cimèl artistic, lo siu vertadièr acrist estetic.

Sinòpsi

A la fin de la Republica Ongresa dels Conselhs de 1919 bailejada per en Béla Kun, lo jove partisan de la revolucion e ex soldat de l'armada roja ongresa n' István Cserzi se va recaptar dins la bòria d'en Károly que lai viu amb las siás doas filhas Teréz e Anna, que son las que de verai son las mèstras de l'ostal.

Lo cap de la polícia locala Kemery ( mas amic siu d'enfantesa) lo va secutar sens relambi per que n'avoèsse el las siás relacions dirèctas amb los revolucionaris.

Se ne va anar teissent alavetz una relacion ambigüa entre eles dos que lo realizator se refusa pr'aquò d'aclarar mai las causas o las rasons d'aicesta quita relacion.

Las doas femnas çaquelà ne son a s'empoisonar a beles paucs lo lor paire e la siá molhèr que, quand se ne serà mainat l'István, ne deurà el causir: o ben las denonciar e riscar de segur d'èsser tuat per las chormas de Miklós Horthy o ben se calar e daissar aital a se far un òrre crime familial.