Setmanièr

Un setmanièr (var. -èir, -èr, -ier, -ari) es una publicacion d'informacions generalas publicada un o, rarament, dos còps per setmana. Aquel tipe de jornals a tendéncia a aver un tiratge reduit respècte als jornals e a generalament una portada dins las comunautats mens pobladas o dins de pichonas zònas definidas dins las vilas grandas; sovent, pòdon cobrir un territòri mai pichon, coma una o mantuna vilòta o eventualament un país entièr. Los jornals setmanièrs cobrisson sovent l'actualitat locala e participan mai intensament al jornalisme comunautari o a d'autres mèdias especializats.

La màger part dels jornals setmanièrs seguisson un format similar al de la premsa quotidiana (valent a dire informacions, espòrts, necrologias, etc.). Pasmens, se concentra principalament sus d'informacions limitadas a una region especifica. Las datas de parucion dels setmanièrs en America del Nòrd vàrian, mas pareisson sovent en mièg de setmana (dimècres o dijòus).

D'autres tipes de publicacions d'informacion pareisson cada setmana sus papièr jornal, mas son pas considerats coma de jornals d'informacion generala. Aquestes cobriràn de subjèctes especifics, tals coma l'espòrt (per exemple The Sporting News) o l'economia (per exemple Financial Times), e auràn una difusion mai larja e cobriràn de territòris fòrça mai vastes.

Articles connèxes

• Jornalisme
• Premsa

Bibliografia

• Koszyk, Kurt. Deutsche Presse 1914 - 1945. Berlin: Geschichte der deutschen Presse Teil 3. [Abhandlungen und Materialien zur Publizistik Band 7], Colloquium, 1972. ISBN 3-7678-0309-7. 
• Brin, Colette; Charron, Jean; de Bonville, Jean. Nature et transformation du journalisme : Théorie et recherches empiriques. Les Presses de l'Université Laval, 2004. ISBN 9782763781563. 
• Chuppin, Ivan; Nollet, Jérémie. Journalisme et dépendances. Ed. L'Harmattan, mai de 2006. ISBN 9782296592469. 

Nòtas e referéncias

• Wikidata: Q2305295