Senhal de Malhe Biau
Lo Senhal de Malhe Biau es lo punt culminant d'Aubrac amb 1469 m. Se situa en Gavaudan (Losera) suls confinhs de Roergue (Avairon).
Lo suc pren la forma d'una cropa arredondida de las pendas fòrça dolças. Los desnivelats son febles cap al nòrd-èst mas plan mai importants cap al sud e a l'oèst.
Une part de la montanha es constituïda d'un volcan fòrça erodat que presenta de tufs piroclastics que s'i pòdon retrovar de bombas volcanicas en fusèl[1]. Malhebiau constituís un dels rars volcans ben identificables d'Aubrac, los autres, situats pus al nòrd, essent de mal localizar jos la massa del basalt.
Del suc, e per bèl temps, se pòdon apercebre Augal, lo mont Losera, los monts de Marjarida, lo Plom de Cantal e de còps que i a meme los monts Dòr. Mailhebiau es cobèrt de pasturas ont las vacas de raça Aubrac venon pàisser pendent l'estiu. Al nòrd èst, Beç pren sorgent, ribièra pus importanta d’Aubrac que s'escola cap al nòrd per rejónher Truèire. Al sud, la montanha domina la val d'Òlt de 1 000 m : es lo país de las « Boraldas », aigas que davalan d’Aubrac per s'escampar dins Òlt per de gòrjas prigondas, salvatges e pauc frequentadas (Aubrac avaironés).
- ↑ {{{títol}}}. ISBN 2-225-65274-0.