Tuf volcanic

Un tuf volcanic es una ròca generalament doça que resulta de l'acumulacion de brigas volcanicas, sovent d'una talha inferiora a 4 mm, per l'accion d'aigas d'infiltracion. Sa composicion varia donc segon lei volcans e leis erupcions. Pasmens, la màger part dei tufs an una color clara e intrègran, dins son estructura, de brigas de talha mai ò mens importantas. Es una ròca frequenta dins lei regions volcanicas onte pòu formar d'estratas finas ò de depaus espés segon la topografia. Sa duretat febla permet de la talhar aisament e lo tuf foguèt donc utilizat dins plusors regions per la construccion e per l'escultura. Per exemple, plusors moais de l'Illa de Pascas foguèron escultats dins aquela ròca.

Paret de tuf volcanic dins una necropòli etrusca.

Liames intèrnes

• Ròca.
• Travertin (ò tuf cauquier).
• Volcan.