Seki Takakazu

Seki Takakazu ò Seki Kowa (entre 1640 e 1645, Fujioka ò Edo - 24 d'octòbre de 1708, Edo) es un matematician japonés dau sègle XVII. Eissit de la classa guerriera, èra au servici dau shogun Tokugawa Ienobu (1662-1712). Ocupèt ansin plusors foncions au sen dau Shoguant, especialament administrator dei finanças dau castèu d'Edo a partir de 1703. En mai de seis activitats oficialas, s'interessèt ai matematicas e descurbiguèt plusors resultats importants dins lo domeni dei calculs de determinants, de la valor de Pi e de poissança d'un nombre. Lo nivèu de sei descubèrtas es similar a aqueu de matematicians europèus dau meteis periòde periòde coma Gottfried Wilhelm Leibniz (1646-1716) ò Jacques Bernoulli (1654-1705) per lei poissanças. L'estenduda precisa de son trabalh es pasmens malaisada de determinar car son escòla èra largament secrèta.

Representacion de Seki Takakazu datant dau sègle XVII.

Liames intèrnes

• Matematicas.

Bibliografia

• (fr) Annick Horiuchi, Les Mathematiques Japonaises a L'Epoque d'Edo (1600–1868): Une Etude des Travaux de Seki Takakazu (?-1708) et de Takebe Katahiro (1664–1739), París, Librairie Philosophique J. Vrin, 1994.