Lo saut amb pèrga (var.saut dab pèrja; saut ambé pertega) es una especialitat atletica que consistís a passar per subre d'una barra oritzontala situada a granda auçada sense la far caire, en s'ajudant d'una pèrga, una barra flexibla, d'aperaquí 5 metres de long, que l'atleta ten dins sas mans. Es l'ochena espròva del decatlon.

Saut amb pèrga

Lo saut amb pèrga de naut nivèl necessita las quatre qualitats de l'atletisme : la velocitat per la corsa de vam, la fòrça per apiejar sus la pèrga, la soplessa per efectuar los movements en l'aire e la qualitat de pè al moment de l'impulsion.

L'ucraïnian Sergueï Bubka, primièr òme a passar la barra dels sièis mètres e detentor del recòrd del mond pendent gaireben 30 ans, es lo sautaire amb pèrga mai conegut. Uèi, la disciplina es dominada, entre autres, pel francés Renaud Lavillenie, actual detentor del recòrd del mond, los alemands Björn Otto e Raphael Holzdeppe e lo canadenc Shawnacy Barber. Costat féminin, la russa Yelena Isinbayeva, que batèt vint e uèit recòrds del mond[1], e l'americana Jennifer Suhr sonlas solas femnas d'aver passat los 5 mètres.

Referéncias modificar

  1.  28e record du monde pour Yelena Isinbayeva à la perche. www.swissinfo.ch.