Saussa de sòja
La saussa de sòja (var. salsa de sòja) es una saussa d'origina chinesa producha per fermentacion de proteïnas vegetalas. Apareguda vèrs 200 avC, se difusèt en Asia Orientala e en Asia dau Sud-Èst onte venguèt un condiment apreciat. En China e en Corèa, es tradicionalament fabricada a partir de grans de sòja mai existís una varianta importanta en Japon qu'es producha a partir d'una mèscla de grans de sòja e de blat. Es un liquid de color ambrada, brunèla ò rogenca, mai ò mens sorn. Contèn fòrça acids aminats liures e a un gost marcat e salat que permet de relevar la sabor dau ris blanc. Descubèrta per leis Europèus a la fin dau sègle XVII, la saussa sòja se difusèt en Occident amb la multiplicacion dei contactes entre Euròpa e l'Extrèm Orient[1].
Liames intèrnes
modificar- Sòja.