Santa Reparata

Santa Reparata es una santa crestiana, verge e martira. Patrona de Niça e de Florença , es festejada lo 8 d'octobre.

Santa Reparata

BiografiaModificar

Originària de Cesarèa de Palestina, Reparata seriá mòrta en 250, a l'edat de 15 ans, dei secutaments de l'emperaire roman Deci. D'en primièr, òm auriá ensajat de la cremar viva mas foguèt salvada per un lavaci oportun. Òm li faguèt puèi beure de pega bolhenta, mas un còp de mai subrevisquèt. Finalament, foguèt descapitada e son còs plaçat dins una barca que se daissèt derivar en Mediterranèa. Segon la legenda, l'embarcacion atenguèt li còstas niçardas e foguèt menada subre la riba per d'àngels. Sei rèstas foguèron rebonduts dins una capela situada a l'emplaçament dau Niça vièlh actual abans d'èsser depausats dins la Catedrala de Santa Reparata en 1690.