Sant Jòrdi de Velai

Sant Jòrdi de Velai o Sant Jòrdi del Puèi seriá lo primièr avesque de Velai segon una légenda de l'Edat Mejana. Seriá estat un dels 72 discípols de Jèsus e, atal coma sant Front de Peireguers, seriá vengut evangelizar las Gàllias. Lo fèstan lo 10 de novembre.

Biografia o legenda

Sant/sent Jòrdi/Juèri/Jòri/Jòrgi/Jòrli, seriá vengut avesque/bisbe del Puèi cap a 480. Supausan que foguèt lo primièr sant entre los avesques del Puèi. Als sègles VII o VIII, lo cresián mandat per Sant Pèire, benlèu perque del temps del rei, Euric, qu'èra arian, Jòrdi deguèt anar a Roma amb Sant Front de Peireguers per tal de recebre del Papa l'ordinacion episcopala. Creson qu'evangelizèt las campanhas .

Toponimia

Es malaisit de conéisser s'un lòc es nommat del nom de Sant Jòrdi de Velai o de son omonime pus conegut, Sant Jòrdi de Lydda, lo sant sauroctòn.