Sanctuari d'Al-Askari
Lo Sanctuari d'Al-Askari ò Mosqueta d'Aur es un luòc sant e un luòc de romavatge major de l'islam chiista. Protegís lei tombas deis imams Ali al-Hadi (828-868) e Hasan al-Askari (846-874). La construccion dau sanctuari acomencèt dins lo corrent dau sègle X. Conoguèt divèrsei modificacions e lo bastiment prenguèt sa fòrma actuala entre 1868 e 1905 après una tiera de trabalhs importants ordonats per lo chah Nasser al-Din Shah Qajar (1848-1896). En particular, un dòme cubèrt d'aur e una encencha blava i foguèron aponduts.
En 2006 e 2007, mai d'un atemptat causèt de pèrdas importants dins lo sanctuari (afondrament dau dòme e de dos minarets). De trabalhs importants son donc en cors per restaurar lo bastiment.