Rota de glaç
Una rota de glaç es una rota, generalament provisòria, qu'es construcha d'ivèrn a la superficia d'una estenduda d'aiga gelada (ribieras, lacs, mars...). Son relativament frequentas en Alaska, en Canadà, en Escandinàvia e en Russia. Permèton de liar de territòris sensa accès permanent au ret rotier terrèstre (illa, vila isolada...). Aquò a d'avantatges importants en matèria de logistica car permet lo transpòrts d'objèctes ò de materiaus pesucs dins d'endrechs onte lo transpòrt maritim ò aerian es tròp costós.
La circulacion sus aqueu tipe de rota necessita de seguir de règlas de seguretat estrictas. I a un limit de pes de respectar (entre 2 e 4 tonas), la velocitat dèu èsser inferiora a 30 km/h ò mantenguda entre 40 e 70 km/h[1], un espaci de seguretat dèu èsser gardat entre dos veïculs, l'estacionament es enebit e la circulacion nuechenca es egalament limitada (quand es possible). L'espessor de glaç minimala per durbir una rota de glaç varia segon lei país mai es de l'òrdre de 20 a 40 cm.