Rossio

La Praça de D. Pedro IV, mai coneguda pel seu ancian nom de Rossio, es un centre neuralgic de Lisbona dempuèi sièis sègles. Recebèt corsas de buòus, festivals, paradas militaras e tanben autodafés pendent l'Inquisicion e uèi de reünions politicas ocasionalas. Los sòbris edificis pombalinos, son ocupats per de botigas de sovenir, joielariás e cafès.

Rossio vist dempuèi l'Elevador de Santa Justa

Al sègle XIX la plaça foguèt calada de negre e blanc, seguent un dessenh ondejant. Foguèt un dels primièrs dessenhs d'aqueste tipe a decorar las caladas de la vila. Al costat nòrd i a lo Teatre Nacional D. Maria II, que recebèt lo nom de la filha de D. Pedro.

Estatua de D. Pedro IV

Al centre de la plaça, s'erigís l'estatua de D. Pedro IV, vint-e-ochen rei de Portugal e primièr emperador del Brasil independent. A la basa, las quatre figuras femeninas son d'allegorias de la Justícia, de la Saviesa, de la Fòrça e de la Moderacion, qualitats atribuidas als Reis-Soldats.

Nasquèt una legenda urbana que l'estatua de D. Pedro IV seriá estada concebuda per l'emperador Maximilian de Mexic. Coma l'emperador de Mexic foguèt fusilhat en 1867, pauc abans que s'acabèt l'estatua, seriá estada reütilizada prontament dins lo projècte de revitalizacion del Rossio, çò qu'explicariá las – supausadas – semblanças de l'estatua del rei de Portugal amb la figura de l'emperador de Mexic.

Imatges

• 
  Estacion Ferroviari del Rossio
• 
  Estacion Ferroviari del Rossio, de nuèch
• 
  Detalh d'una de las doas fonts bessonas del Rossio
• 
  Estatua de D. Pedro IV