Rock progressiu

Lo rock progressiu, sovent acorchit en rock prog o pus simplament prog, es un estil de rock qu'apareissèt a la fin deis annadas 1960. Si revèla particularament elaborat per çò qu'es de la tecnica instrumentala, de la composicion, dei tèxtes o encara deis artworks. Fòrça popular dins leis annadas 1970, coneissèt un periòde de declin dins leis annadas 1980, ont apareisson dos corrents nòus : lo neoprog e lo metal progressiu, avans de retrobar un certan succès puei.

Minimoog, instrument tipic dau rock progressiu deis annadas 1970.

Yes, Pink Floyd, Genesis, Jethro Tull, Camel, King Crimson, Van der Graaf Generator, Gentle Giant, Rush o encar Emerson, Lake & Palmer, e Marillion son lei formacions mai representativas dau genre. En solo, Mike Oldfield es egalament un representant notòri d'aqueu genre. En Espanha, lo grop Triana es estat lo mai representatiu d'aquel estili. En França, se pòt citar Gérard Manset, au mens per sos debuts (Animal on est mal en 1968 e l'album La mort d'Orion en 1970).