Revòuta dei Benjaminitas de 1773 aC
La Revòuta dei Benjaminitas de 1773 aC foguèt una guèrra durant lo periòde la Mesopotamia antica. Opausèt l'aliança dei tribús bensimalitas fidèlas ai rèi de Mari Zimri-Lim, de Babilònia Hammurabi e de Qatna contra l'aliança dei tribús benjaminitas ambé lo rèi d'Eshnunna Ibal-pi-El II. Se debanèt vèrs 1773-1769 aC.
|
Revòuta dei Benjaminitas de 1773 aC
| |
|---|---|
| Informacions generalas | |
| Data | Vèrs 1773-1769 aC |
| Luòc | Mesopotamia |
| Casus belli | Revòuta dei tribús benjaminitas contra lo rèi de Mari |
| Eissida | Patz precària entre Mari, Babilònia, Qatna e Eshnunna
Reconciliacion entre Zimri-Lim e lei Benjaminitas |
| Belligerants | |
| Tribús benjaminitas
Eshnunna |
Mari
Babilònia Qatna |
| Comandants | |
| Ibal-pi-El II (Eshnunna) | Zimri-Lim (Mari)
Hammurabi (Babilònia) |
| Batalhas | |
| Dur-Yahdun-Lim — Pòrtas d'Andarig | |
L'insurreccion comencèt vèrs 1773 aC mai Zimri-Lim, ambé l'ajuda de Babilònia e de Qatna, respondèt rapidament e ganhèt la batalha Dur-Yahdun-Lim. Les Benjaminitas se repleguèron donc dins lo Zalqanum per aprofichar l'aliança ambé lo rèi d'Eshnunna. Entre 1772 e 1771 aC, la guèrra se generalizèt dins la Djezireh auta en causa de la revòuta d'unei vassaus de Mari. Ibal-pi-El II mandèt doas armadas contra Mari intrant donc dubèrtament en guèrra. Capitèt de prendre Ekallatum puei Shubat-Enlil.
En 1771 aC, Babilònia ajudèt donc tornarmai Mari. L'armada sud d'Eshnunna foguèt blocada vèrs la frontiera dau reiaume e l'armada nòrd foguèt replegada a la batalha dei Pòrtas d'Andarig. L'intensitat de la guèrra demeniguèt adonc e una patz de compromés foguèt realizada entre Mari, Qatna, Babilònia e Eshnunna. Dins lo reiaume de Mari, Zimri-Lim e lei tribús benjaminitas se reconcilièron.