Reduccion dels risques ligats a la toxicomania

La reduccion dels risques ligats a la toxicomania designa la politica que privilegia d'estrategias de suenh e de prevencion per fin de limitar los risques sanitaris e socials ligats a l'emplec de psicotròpis que son pas subjèctes a cap de contraròtle sanitari.

Los rapòrts, trabalhs e investigacions modèrnes manifèstan totes l'importància de la politica de reduccion de damatges per aparar la santat dels consomators de drògas. En fach, la politica de reduccion de damatges includís una sèria de conselhs e recomandacions aisits de comprene e seguir per totes. Son caractèr es democratic, egalitari e aluenhat de l'alarmisme de las ancianas campanhas institucionalas e de las actituds impositivas. Una de sas fins didacticas e instructivas es precisament l'abstinéncia de la consomacion de dròga, qu'es una fin preventiva valida per de personas consomatrises o non. Atal, de causir entre non consomar e la consomacion responsabla serà una causida en libertat e una decision fruch de la reflexion e non pas de la repression e l'imposicion. Cal pas mandar de messatges al ciutadan que li provòcan un sentiment de culpabilitat, senon que s'es d'invocar las consequéncias generadas per la consomacion de drògas.

Euròpa modificar

Lo Projècte de Tractat pel qual s'instituís una Constitucion per Euròpa, realizat per la Convencion Europèa, al Capítol V (Ambits ont l'Union pòt decidir una accion de coordinacion, de complement o de supòrt), Seccion 1 (santat publica), Article III-179 manifèsta que «l'Union completarà l'accion dels Estats membres dirigida a redusir los damatges subre la santat produsits per las drògas, inclús l'informacion e la prevencion. L'Union encoratjarà la cooperacion entre los Estats membres dins los ambits considerats dins l'article present e, en cas de besonh, sostendrà lor accion».