Chulalongkorn
Chulalongkorn ò Rama V (20 de setembre de 1853, Bangkòk - 23 d'octòbre de 1910, Bangkòk) foguèt rèi de Siam[1] dau 1èr d'octòbre de 1868 au 23 d'octòbre de 1910. Succediguèt a Mongkut (1851-1868) e foguèt remplaçat per Rama VI (1910-1926).
Durant son rèine, contunièt l'òbra de modernizacion e de dubertura iniciada per son paire. Per aquò, recrutèt de conselhiers estrangiers que l'ajudèron de redigir una constitucion e de melhorar lo foncionament de l'administracion. En parallèl, assaièt d'utilizar la rivalitat francobritanica per mantenir l'independéncia de Siam. En cambi de concessions territòrialas importantas ( Cambòtja, Laos...) e de la reconeissença d'una zòna d'influéncia francesa dins l'èst dau reiaume, aquò foncionèt e lo país venguèt un estat tampon entre la Birmania Britanica e l'Indochina Francesa.