Quartier Sant Mitri (Marselha)

Sant Mitri es un quartier de Marselha, que se tròba dins l'arondiment 13n e se compren dins lei quartiers nòrd. Se sòna ansin en l'onor de Mitri d'Ais, martiri en l'an 466.

Sant Mitri es mencionat dins lo cartulari de Sant Victor au jorn dau 13 d'abriu 1113 amb la mencion Cella Sancti Mitrii. Aquest genitiu masculin acèrta la forma Mitrius que dona Mitri en occitan.

A la plaça de la residéncia "La Prada" se trobava una bastida sonada l'Emerigona. Aquesta refacha au sègle XVII, probable, foguèt bastida sus un tenement que comptava un molon de sorgents çò que lo fasiá pron palunari.