Projeccion de Mercator
La projeccion de Mercator es una projeccion cilindrica tangenta a l'eqüator dau glòbe terrèstre sus una carta plana formalizada per lo geograf flamenc Gerardus Mercator (1512-1594). Gràcias a sa precision per lei viatges marins, s'es impausada coma lo planisfèri de referéncia.
La projeccion de Mercator fa partida dei projeccions conformas, es a dire que conserva leis angles. Pasmens, a per consequéncia de deformar lei distàncias e leis airaus. Aquela distorsion aumenta amb l'alunchament a respèct de l'eqüator e la projeccion de Mercator pòu pas representar lei regions polaras. De mai, entraïna una aumentacion visuala d'aquelei regions.